ძვირფასო პედაგოგებო, გილოცავთ პროფესიულ დღეს!
5 ოქტომბერი მასწავლებლის საერთაშორისო დღეა და მას მსოფლიოს 100-ზე მეტ ქვეყანაში აღნიშნავენ. ამ დღის დაწესების მთავარ მიზანს პედაგოგთა პროფესიის მხარდაჭერა და აღსაზრდელთათვის გაწეული შრომის დაფასება წარმოადგენს.
თქვენი ღვაწლი ფასდაუდებელია. ჩვენი ქვეყნისა და ერის წინაშე უდიდესი პასუხისმგებლობა და ამავდროულად , საპატიო საქმე გაკისრიათ, რადგან გულანთებულ, განათლებულ მომავალ თაობაზეა მეტწილად თითოეული ჩვენგანისა და სახელმწიფოს ბედი დამოკიდებული.
საქვეყნო მიღწევები და წარმატებები მნიშვნელოვნად თქვენი, მასწავლებლების დამსახურებაა. ამიტომ, გისურვებთ, სათანადოდ დაფასებულიყოს ის შრომა, რასაც საკუთარ მოსწავლეებში დებთ.
პატივისცემით,
პროფესიული კავშირების გაერთიანების თავმჯდომარე ირაკლი პეტრიაშვილი
